Nov 28, 2016

சிறுவர்களுக்கான டியூப் கிட்ஸ் செயலி

சிறுவர்க‌ளுக்கு உகந்த வீடியோக்களைக் கொண்ட ‘யூடியூப் கிட்ஸ்’ செயலி இந்தியாவில் அறிமுகம் செய்யப்பட்டுள்ளது. ஆண்ட்ராய்டு மற்றும் ஐபோன்களில் இதைத் தரவிறக்கம் செய்து பயன்படுத்தலாம்.

youtube kids app
YouTube Kids App for children


சிறுவயதினர் பார்க்கக் கூடிய வீடியோக்களைக் கொண்டுள்ள இந்தச் செயலி, சிறார்களைக் கவரும் வகையில் பெரிய எழுத்துகளையும் ஐகான்களையும் கொண்டுள்ளது. ஷோக்கள், இசை, கல்வி மற்றும் கண்டறிதல் என நான்கு பிரிவுகளில் வீடியோக்கள் இடம்பெற்றுள்ளன. தவிர, குரல் வழித் தேடல் வசதியும் இருக்கிறது.

லிட்டில் கிருஷ்ணா வீடியோக்கள், யோகா யானை வீடியோக்கள் உள்ளிட்ட வற்றைச் சிறுவர்கள் அணுகலாம். அவர்களுக்கான பிரத்யேக சேனல்களும் உள்ளன.

இந்தச் செயலியைப் பிள்ளைகள் பயன்படுத்தும் விதத்தைப் பெற்றோர் தீர்மானிக்க உதவும் வகையில் பல்வேறு கட்டுப்பாட்டு வசதிகளும் இருக்கின்றன. கடந்த ஆண்டு அறிமுகம் செய்யப்பட்ட இந்தச் செயலி 20-க்கும் மேற்பட்ட நாடுகளில் பயன்படுத்தக்கூடியதாக இருக்கிறது.

வீடியோ:

மேலும் தகவல்களுக்கு: http://bit.ly/1LycDcp
Read More

Nov 17, 2016

Windows 10 வேகமாக செயல்பட

speedup windows 10 tamil


விண்டோஸ் 10 சிஸ்டத்திற்கு மாறிய பின்னர், அந்த சிஸ்டத்தைத் தன் வயப்படுத்தி, விரைவாக அதனைச் செயல்பட வைத்திட, தேவையான வழிகளை இன்னும் பலர் அறியவில்லை.

இதற்குக் காரணம், பெரும்பாலான புதிய வசதிகளும், வழிகளும் இதுவரை விண்டோஸ் இயக்கங்களில் இல்லாதவையாகும். ஆனாலும், மிக எளிதாக, அவற்றை வடிவமைத்துவிடலாம்.

இது போன்ற வழிகள் நூற்றுக் கணக்கில் உள்ளன. அவற்றில் சில முக்கிய வசதிகளை இங்கு காணலாம். இவற்றின் மூலம் நம் தேவைகளை எளிதாகப் பெற்று புதிய அனுபவத்தினை மேற்கொள்ளலாம்.

சி.பி.யு. அதிவேகச் செயல்பாடு


நீங்கள் டெஸ்க் டாப் கம்ப்யூட்டர் அல்லது லேப்டாப் பயன்படுத்துகிறீர்களா? அது எப்போதும் மின் சக்திக்கான இணைப்பிலேயே உள்ளதா? கம்ப்யூட்டருக்கான Power Options பிரிவில் சில நடவடிக்கைகளை மேற்கொள்வதின் மூலம், கம்ப்யூட்டரின் சி.பி.யூ. என்னும் மையச் செயலகத்தின் செயல்பாட்டினை அதிவேகப்படுத்தலாம்.

இதற்கு, டெஸ்க் டாப்பின் இடது கீழாக உள்ள ஸ்டார்ட் பட்டனில் ரைட் கிளிக் செய்திடவும். இங்கு கிடைக்கும் மிக நீளமான மெனுவில், Power Options என்பதனைத் தேர்ந்தெடுத்து கிளிக் செய்திடவும். இப்போது கிடைக்கும் விண்டோவில், கம்ப்யூட்டரின் மின் சக்தியை அதிக அளவில் பயன் தரும் வகையில் வடிவமைக்கப் பல வழிகள் தரப்பட்டிருக்கும்.

அதில் நாம் விரும்பும் வகையில் மாற்றங்களை வடிவமைக்கலாம். குறிப்பிட்ட சில ஆப்ஷன்களில் எனக் கம்ப்யூட்டரை வடிவமைத்த நிறுவனமே குறிப்பிட்டிருக்கும். இதில் மாற்றங்களை ஏற்படுத்துவது, சில வேளைகளில், லேப்டாப் கம்ப்யூட்டரின் பேட்டரி சக்தியை விரைவில் காலி செய்திடும் வகையினதாக இருக்கலாம்.

எனவே, கவனத்துடன் இதனை வடிவமைக்க வேண்டும். இதே விண்டோவில் Plan settings என்ற பிரிவிலும் புதிய மாற்றங்களை ஏற்படுத்தலாம்.

பைல் எக்ஸ்புளோரர் தேடல்கள்


விண்டோஸ் 10 இயக்கத்தில், அதன் பைல் எக்ஸ்புளோரரில் தரப்பட்டுள்ள ஓர் அருமையான வசதி அதில் மேற்கொள்ளும் தேடல்களை சேவ் செய்து பதிந்து கொள்வதாகும். இதன் மூலம் நாம் எப்போது வேண்டுமானாலும், தேடல் சார்ந்த முடிவுகளைப் பெறலாம். தரப்பட்டுள்ள படத்தில், அதிகமான .doc பைல்கள் உள்ள போல்டரில், நாம் விரும்பும் பைலைத் தேடிப் பெற்றது பதிவு செய்யப்பட்டுள்ளது.

இந்த தேடலை, ஸ்டார்ட் மெனுவில் 'பின்' செய்து விட்டால் இன்னும் விரைவாக முடிவுகளைப் பெறலாம். இதற்கு, பைல் எக்ஸ்புளோரர் திறந்து, அதில் உங்களுடைய Users போல்டர் செல்லவும். தொடர்ந்து Searches துணை போல்டர் செல்லவும். அதில் saved search என்பதில் ரைட் கிளிக் செய்து, ஸ்டார்ட் மெனுவில் 'பின்' செய்து வைக்கவும்.

தேடல் இஞ்சின் மாற்றி அமைக்க


மைக்ரோசாப்ட், விண்டோஸ் 10ல், அதன் பயனாளர் மற்றும் கார்டனா, இதில் தரப்பட்டுள்ள Bing தேடல் இஞ்சினை, மாறா நிலையில் பயன்படுத்த அமைத்துள்ளது. கூகுள் அல்லது வேறு தேடல் இஞ்சினைப் பயன்படுத்துவதில் அதற்கு உடன்பாடு இல்லை. ஆனால், உங்கள் விருப்பம் வேறாக இருந்தால், கார்டனா செயலியை வேறு ஒரு சர்ச் இஞ்சின் பயன்படுத்தும்படி அமைக்கலாம். ஆனால், அதற்கு முன்னர், உங்கள் மாறா நிலை இணைய பிரவுசரை மாற்றி அமைக்க வேண்டும். உங்கள் மாறா நிலை பிரவுசர், பயர்பாக்ஸ் ஆக இருந்தால், கார்டனா 'கூகுள்' தேடல் சாதனத்தைப் பயன்படுத்தும். குரோம் உங்கள் மாறா நிலை பிரவுசராக இருந்தால், நீங்கள் Chrometana என்னும் குரோம் எக்ஸ்டன்ஷன் செயலியை முதலில் இன்ஸ்டால் செய்திட வேண்டும். பின்னரே, மாறா நிலை தேடல் சாதனத்தை நாம் விரும்பும் வகையில் அமைக்கலாம். இல்லை எனில், பிங் தேடல் சாதனத்தையே, கார்டனா செயலி பயன்படுத்தும்.


கார்டனா தேடலைக் கட்டுப்படுத்த


உங்கள் கம்ப்யூட்டரில், விண்டோஸ் 10 உடன் இணைத்துத் தரப்பட்டிருக்கும் டிஜிட்டல் உதவியாளரான, கார்டனா நமக்குப் பல வழிகளில் உதவுகிறது. இதன் தேடல் இஞ்சினை மாற்றும் வழியை மேலே பார்த்தோம். இதன் செயல்பாட்டினை இன்னும் கட்டுப்படுத்த வேண்டும் என்றால் அதனையும் மேற்கொள்ளலாம்.

எடுத்துக் காட்டாக, கார்டனா தேடுவதற்கு இணையத்தின் பக்கமே போக வேண்டாம் என்று கூட வரையறை செய்திடலாம். இதற்குக், டாஸ்க் பாரில் உள்ள, கார்டனா சர்ச் பாக்ஸில் கிளிக் செய்து, Cortana settings திரை செல்லவும். இதன் கீழாக Search Online And Include Web Results என்று இருக்கும். இதனை Off நிலையில் அமைக்கவும். அமைத்த பின்னர், கார்டனா இணையத் தேடல் முடிவு எதனையும் காட்டாது. இதற்கென மாறா நிலையில் எந்த தேடல் இஞ்சினைப் பயன்படுத்தும் வகையில் அமைத்திருந்தாலும், அதன் முடிவுகள் எதுவும் இங்கு காட்டப்பட மாட்டாது.

'ஒன் ட்ரைவ்' கூடுதல் பயன்பாடு


நாம் மைக்ரோசாப்ட் அக்கவுண்ட் ஒன்றை அமைக்கும்போது, நமக்குப் பல வசதிகள் கட்டணமின்றி வழங்கப்படுகிறது. அவற்றில் ஒன்று, 'ஒன் ட்ரைவ்' (One Drive) எனப்படும் க்ளவ்ட் தேக்ககம் பயன்படுத்தும் வசதியாகும். இதனை Fetch என்ற வசதியுடன் பயன்படுத்தினால், இன்னும் சில கூடுதல் வசதிகள் கிடைக்கும். (இது தனிநபர்களுக்கு மட்டுமே கிடைக்கும். வணிகத்திற்கென ஒன் ட்ரைவ் பயன்படுத்துவோருக்கு இல்லை)

ஒன் ட்ரைவ் ஐகான் மீது ரைட் கிளிக்


செய்திடவும். அதன் செட்டிங்ஸ் பிரிவிற்குச் செல்லவும். இதன் அடுத்த திரையில், (Microsoft One Drive) கிடைக்கும் சிறிய விண்டோவில், Settings என்னும் டேப்பினைத் தேர்ந்தெடுக்கவும். இதில் Let Me Use OneDrive To Fetch Any Of My Files On This PC என்று ஒரு வரி இருக்கும். இதில் உள்ள கட்டத்தில் டிக் அடையாளத்தை ஏற்படுத்தி, ஓகே கிளிக் செய்து வெளியேறவும். இதன் மூலம், இந்த கம்ப்யூட்டரில் உள்ள எந்த ஒரு பைலையும், இன்னொரு கம்ப்யூட்டரில் எந்த பிரவுசர் மூலமாகவும் உங்கள் ஒன் ட்ரைவில் நுழைந்து பைலைப் பயன்படுத்தலாம்.

செயலிகள் பதியப்படும் டிஸ்க் மாற்றம்


தற்போது நமக்குக் கிடைக்கும் பெர்சனல் கம்ப்யூட்டர்களில், வழக்கமான ஹார்ட் ட்ரைவ் மற்றும் சிறிய அளவில் கொள்ளளவு கொண்ட சாலிட் ஸ்டேட் டிஸ்க் (SSD) ஒன்றும் இணைத்துத் தரப்படுகிறது. வழக்கமான மெக்கானிகல் ட்ரைவ் தான் அதிகக் கொள்ளளவு கொண்டதாக இருக்கும். இதில் சாலிட் ஸ்டேட் ட்ரைவ், பூட் ட்ரைவ் ஆக, கம்ப்யூட்டரைத் தொடக்கத்தில் இயக்கும் ட்ரைவாக அமைக்கப்படுகிறது. நாம் தொடர்ந்து அப்ளிகேஷன்களை இன்ஸ்டால் செய்திடுகையில், இதிலேயே அப்ளிகேஷன் புரோகிராம்கள் இன்ஸ்டால் ஆகின்றன.

பெரிய அளவிலான மெக்கானிகல் ட்ரைவ், டேட்டா ட்ரைவாகவே பயன்படுத்தப்படுகிறது. இதனை நிர்வகிக்க நாம் சில நடவடிக்கைகளை எடுக்க வேண்டியுள்ளது. குறிப்பாக, புரோகிராம்களை இன்ஸ்டால் செய்திடுகையில், நாம் டேட்டா ட்ரைவிலேயே இன்ஸ்டால் செய்திடவிரும்புவோம். சிறிய ஸ்டேட் ட்ரைவில் பதிந்திட விரும்பமாட்டோம்.

கம்ப்யூட்டரில் தரப்பட்டுள்ள மாறா நிலையை மாற்றி, மெக்கானிகல் ட்ரைவிலேயே, புரோகிராம்களைப் பதிக்கும் பணியையும் மேற்கொள்ளுமாறு செய்திடலாம். மாறா நிலையில் உள்ள அப்ளிகேஷன்களுக்கான ட்ரைவினை மாற்றி அமைக்க, ஸ்டார்ட் பட்டனில் கிளிக் செய்து கிடைக்கும் மெனுவில், All Apps | Settings | System | Storage எனச் செல்லவும். இங்கு, அப்ளிகேஷன், டாகுமெண்ட்ஸ், மியூசிக், படங்கள், விடியோ என ஒவ்வொரு வகையையும் எந்த டிஸ்க்கில் ஸ்டோர் செய்து அமைக்க என ஆப்ஷன் தரப்பட்டிருக்கும்.

இங்கு அப்ளிகேஷன் ஸ்டோர் செய்யப்பட வேண்டிய ட்ரைவினை நாம் தேர்ந்தெடுத்து அமைக்கலாம். மற்றவை ஏற்கனவே, மாறா நிலையில், டேட்டா ட்ரைவில் அமைக்கும்படியாகத்தான் வடிவமைக்கப்பட்டிருக்கும்.

பழைய விண்டோஸ் சிஸ்டம் பைல் நீக்கம்


இப்போது ஹார்ட் டிஸ்க்கின் விலை எல்லாருக்கும் கட்டுபடியாகும் விலைக்கு வந்துவிட்டதால், அதனை மிகக் கவனத்துடன் பைல்களைச் சேர்த்து வைக்கப் பயன்படுத்தும் தேவை எழவில்லை.

அதற்காக, நாம் ஹார்ட் டிஸ்க் இடத்தை வீணாகப் பயன்படுத்தத் தேவை இல்லை. நீங்கள், விண்டோஸ் 7 அல்லது விண்டோஸ் 8.1 சிஸ்டத்திலிருந்து, விண்டோஸ் 10 சிஸடத்திற்கு அப்கிரேட் செய்திருந்தால், பழைய விண்டோஸ் சிஸ்டத்தின், சிஸ்டம் பைல்கள், உங்கள் கம்ப்யூட்டரின் ஹார்ட் ட்ரைவில் ஒரு போல்டரில் வைக்கப்பட்டிருக்கும்.

நீங்கள் மீண்டும் விண்டோஸ் 7 /8.1 பக்கம் போகப்போவதில்லை என முடிவெடுத்தால், இந்த போல்டரில் இருக்கும் பைல்களை அழித்து, ஹார்ட் டிஸ்க்கில் அதிக இடம் பெறலாம். இந்த பழைய பைல்கள் உள்ள போல்டரை அழிக்க, பைல் எக்ஸ்புளோரர் திறந்து, விண்டோஸ் 10 சிஸ்டம் பைல்கள் உள்ள, 'சி' ட்ரைவிற்குச் செல்க. இதன் மீது, ரைட் கிளிக் செய்திடவும்.

அடுத்து, Properties என்பதில் கிளிக் செய்திடவும். அடுத்து கிடைக்கும் விண்டோவில், Disk Cleanup பட்டன் மீது கிளிக் செய்திடவும். இப்போது பைல்கள் ஸ்கேன் செய்யப்படும். தொடர்ந்து Clean Up System Files பட்டனில் கிளிக் செய்திடவும். பழைய சிஸ்டம் பைல்கள் நீக்கப்படும்.

பைல்களை அனுப்பும் இடங்களை அதிகப்படுத்த


பைல் எக்ஸ்புளோரரில் செயல்படுகையில், பைல் ஒன்றின் மீது கிளிக் செய்திட்டால், நீளமான ஒரு மெனு தரப்பட்டு, பல ஆப்ஷன்கள் தரப்படும். இதில் நீங்கள் குறிப்பிட்ட பைலை எங்கெல்லாம் அனுப்பலாம் என்பதற்கான இடங்கள் காட்டப்படும்.

ரைட் கிளிக் செய்கையில், ஷிப்ட் கீ அழுத்தியபடியே, ரைட் கிளிக் செய்து, Send To மெனு பட்டன் அழுத்தினால், வழக்கமாக எந்த இடங்களுக்கு பைலை அனுப்பலாம் என்று காட்டப்படுகின்ற பட்டியலில், இன்னும் கூடுதலான பல ஆப்ஷன்கள் தரப்பட்டிருக்கும். பைலை அனுப்பும் நம் வேலை இன்னும் எளிதாக அமையும்.

மேலே தந்துள்ள குறிப்புகள், விண்டோஸ் 10 இயக்கத்தில் நாம் செயல்படுகையில், நம் கம்ப்யூட்டரின் வேலை திறனை அதிகப்படுத்தவும், எளிதாக்கவும் நமக்கு உதவும் குறிப்புகளாகும். இதே போல, இன்னும் அதிகமான வழிகளை, மைக்ரோசாப்ட் சப்போர்ட் இணையப் பக்கத்தில் காணலாம்.
Read More

Nov 15, 2016

உங்கள் கம்ப்யூட்டரை 300% வேகப்படுத்த உதவும் மென்பொருள்

உங்கள் கம்ப்யூட்டர் வேகமாக இயங்க உதவுகிறது Advanced System Care மென்பொருள். இதனுடைய புதிய பதிப்பு தற்பொழுது வெளிவந்துள்ளது.

advanced systemcare download free


உங்களுடைய கம்ப்யூட்டர் பழையதாக இருப்பின் கண்டிப்பா அது மிக மெதுவாகவே இயங்கும். ஏனெனில் தேவையற்ற புரோகிராம்கள், மென்பொருள்கள், பயனற்ற கோப்புகள் அதில் இடம்பெற்றிருக்கும். ஒவ்வொரு முறையும் அவற்றை தேடி அழிக்காமல் விட்டு விடுவதால் நாளடைவில் கம்ப்யூட்டர் தனது வேகத்தை இழந்திருக்கும்.

இதற்கு தீர்வு தருகிறது Advanced System Care. இது டெம்ப்பைல், ரெஜிஸ்ட்ரி கிளீனிங் செய்வதோடு மட்டுமல்லாமல், கம்ப்யூட்டரை வேகமாக இயங்குவதற்கான தேவையான செயல்களைச் செய்து உகந்த்தாக மாற்றித் தருகிறது.

இதில் உள்ள வசதிகள்:

Advanced System Care Features


  • Quicker and More Powerful PC Speed UP: Long for a more smooth and unhindered PC?
  • Advanced SystemCare 9 will fast PC performance by deep optimizing system and HD items.
  • Free Up More Disk Space: Confused by limited disk space?
  • Advanced SystemCare 9 will smartly remove over-large files for users to release more available disk space.
  • Faster and Safer Browsing: Annoyed by slow network speed?
  • Advanced SystemCare 9 removes browser caches and junk files to faster online speed, Microsoft Edge also supported.
  • Better Online Privacy Protection: Worried about personal privacy?
  • New DNS protect joined Advanced SystemCare 9 may effectively protect website suffering from malicious attacking.
  • Startup Manager
  • Deep Optimize
  • Smart RAM


Advanced System Care டவுன்லோட் செய்ய சுட்டி: 

Download Advanced System Care New Version

Read More

Nov 1, 2016

கூகிள் வழங்கும் குறுந்தகவல் செயலி - Allo App

கூகிள் வழங்கும் குறுந்தகவல் செயலி Allo App.  மொபைல் நம்பர் கொண்டு இதற்கு பதிவு செய்தால் கூகுள் கணக்குடன் இணைத்து மற்ற குறுந்தகவல் செயலி வழங்கும் அனைத்து அம்சங்களையும் அல்லோ வழங்குகின்றது.

google allo app tamil


Facebook-ஐப் பொறாமைப்படவைக்கும் அளவுக்கு, மிக அதிக பயனுள்ள bot-ஐப் பயன்படுத்தி, குறுந்தகவல் App-ஐ வடிவமைத்துள்ளது.

Allo - மே மாதம் அறிமுகப்படுத்தப்பட்டது.

பல சுவாரஸ்யமான அம்சங்களுடன், க்ரூப் சேட்டிங், ஸ்டிக்கர்ஸ், செய்திகள் காலாவதியாகும் ஒரு ஆப்ஷனுடன் இந்த App தயாராகியுள்ளது. ஆனால், இதில் ஆடியோ மற்றும் வீடியோ அழைப்புகள் தவிர்க்கப்பட்டுள்ளது.

இந்த அல்லோ ஆப்பை கூகிள் ‘smart messaging app' என்கிறது. ஏனெனில், நீங்கள் செய்தியனுப்புவதிலிருந்து, நீங்கள் அனுப்ப இருக்கும் வார்த்தைகளை அது கற்றுக்கொள்கிறது. மேலும், இதில் செய்திகளை மிகவும் ரகசியமானதாக்கலாம் மற்றும் உங்களுக்கு எப்பொழுது அது அழிக்கப்படவேண்டுமோ, அந்த நேரத்தை அழிக்கவும் செய்யலாம்.

snapchat -ஐப் போலவே, புகைப்படங்களை உங்கள் நண்பர்களுக்கு அனுப்புவதற்கு முன்பு, அதன் மேல் நீங்கள் எதையாவது எழுதி அனுப்பமுடியும். மேலும், செய்திகளை அனுப்பும்போது கூகுள் செய்வதற்கான ஆப்ஷனும்,App-இன் அடிக்கோட்டில் அளிக்கப்பட்டிருக்கும் என்பதும் குறிப்பிடத்தக்கது.
Read More

Oct 26, 2016

போட்டோஷாப் கற்றுக்கொள்ள பயன்படும் வீடியோ சேனல்

யூடியூப் - ல் லட்சக்கணக்கான வீடியோக்கள் போட்டோஷாப் தொடர்பான வீடியோக்களை கொண்டுள்ளது. அந்த வகையில் இந்த சேனலும் போட்டோஷாப் செய்வது குறித்து வீடியோக்களை வெளியிட்டுள்ளது.



மொத்தம் 7 வீடியோக்கள் மட்டுமே இடம்பெற்றிருந்தாலும், பயனுள்ளதாக உள்ளது.

வீடியோ சேனல் முகவரி: 

Learn Photoshop - Video Tutorial

7 வீடியோக்கள் தான் என்றாலும், அனைத்துமே அருமையான விளக்கங்களை கொண்டிருக்கின்றன. போட்டோஷாப் குறித்த விஷயங்களை கற்றுக்கொள்ள கண்டிப்பாக பயன்படும்.
Read More

Sep 10, 2016

ரிலையன் ஜியோ 4G சப்போர்ட் செய்யும் மொபைல் லிஸ்ட் !

 ரிலையன் ஜியோ  4G சப்போர்ட் செய்யும் மொபைல் லிஸ்ட்












Read More